05 اکتوبر ، 2021 
حکومت کا ملک کی تمام بڑی اسپورٹس فیڈریشنز کے مالی معاملات کے آڈٹ کا فیصلہ
05 اکتوبر ، 2021
حکومت پاکستان نے پاکستان اولمپک ایسوسی ایشن (پی او اے) سمیت ملک کی تمام بڑی اسپورٹس فیڈریشنز کے مالی معاملات کے آڈٹ کا فیصلہ کرلیا ہے۔
وزارت بین الصوبائی رابطہ نے اس سلسلے میں پاکستان اولمپک ایسوسی ایشن سے تمام تفصیلات طلب کرلی ہیں۔
باخبر ذرائع کے مطابق، حکومت پاکستان نے اسپورٹس گورننس کے معاملات میں شفافیت لانے کیلئے ملک کی تمام بڑی اسپورٹس فیڈریشنز کے گزشتہ 2 سال کے مالی معاملات کا آڈٹ کا فیصلہ کیا ہے جو آڈیٹر جنرل آف پاکستان کریں گے۔
اس سلسلے میں وزارت بین الصوبائی رابطہ کی جانب سے پاکستان اولمپک ایسوسی ایشن کے سیکرٹری خالد محمود کو ایک خط تحریر کیا گیا ہے جس میں ان سے پی او اے کے گزشتہ 3 سال کے مالی معاملات کی آڈٹ رپورٹ، بجٹ تخمینے اور دیگر دستاویزات طلب کی گئی ہیں۔
دیگر دستاویزات میں پی او اے کی سوسائٹیز رجسٹریشن ایکٹ کے تحت قانونی حیثیت، غیر ملکی فنڈنگ کے حصول کے لیے حکومتی اجازت اور اس ضمن میں اکنامک ڈویژن سے کیا جانیوالا ایم او یو بھی شامل ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
پرتھ ٹیسٹ میں بھارت نے آسٹریلیا کو 295 رنز سے شکست دیدی
25 نومبر ، 2024
