کھیل
06 اکتوبر ، 2021

’پاکستان بہترین ملک ہے‘: انگلش بولر ٹائمل ملز نے دورے کی خواہش ظاہر کردی

انگلش کرکٹ بورڈ کے دورہ پاکستان منسوخ کرنے کے فیصلے پر تو تبصرہ نہیں کرسکتا لیکن ذاتی خواہش ہے کہ پاکستان کا دورہ کروں، ٹائمل ملز— فوٹو: فائل
انگلش کرکٹ بورڈ کے دورہ پاکستان منسوخ کرنے کے فیصلے پر تو تبصرہ نہیں کرسکتا لیکن ذاتی خواہش ہے کہ پاکستان کا دورہ کروں، ٹائمل ملز— فوٹو: فائل

انگلینڈ ٹی ٹوئنٹی ورلڈ کپ اسکواڈ میں شامل کرکٹر ٹائمل ملز  نے پاکستان کو کرکٹ کیلئے بہترین ملک قرار دیتے ہوئے جلد پاکستان کے دورہ کی خواہش ظاہر کردی ہے۔

29 سالہ ٹائمل ملز کا کہنا ہے کہ وہ پہلے بھی پاکستان کا دورہ کرچکے ہیں، پاکستان کرکٹ کیلئے ایک بہترین وینیو ہے۔

پاکستان سپر لیگ (پی ایس ایل) میں کوئٹہ گلیڈی ایٹرز کی نمائندگی کرنے والے ملز  نے کہا کہ وہ  پی ایس ایل میں کھیل چکے ہیں اور پاکستان میں کرکٹ کو انجوائے کیا۔

فاسٹ بولر کا کہنا تھا کہ وہ انگلش کرکٹ بورڈ کے دورہ پاکستان منسوخ کرنے کے فیصلے پر  تو تبصرہ نہیں کرسکتے لیکن اتنا ضرور کہیں گے کہ ان کی ذاتی خواہش ہے کہ وہ دوبارہ پاکستان کا دورہ کریں۔

انہوں نے امید ظاہر کی کہ جلد وہ پاکستان کا دورہ کرکے وہاں کرکٹ کھیلیں گے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM