دنیا کے سب سے بڑے مٹی سے بنے شہر کیلئے 18 کروڑ اینٹوں کی تیاری کا منصوبہ

سعودی عرب کے شہر ریاض کے قصبے الدرعیہ میں مٹی سے بنے دنیا کے سب سے بڑے شہر کیلئے 18 کروڑ اینٹوں کی تیاری کا منصوبہ شروع ہونے جارہا ہے ۔

عرب میڈیا کے مطابق سعودی عرب میں الدرعیہ کمپنی فار ڈیولپمنٹ کے سربراہ جوناتھن ٹیمز کا کہنا  ہے کہ دارالحکومت ریاض کے شمال میں ایک فیکٹری تعمیر کی جائے گی جہاں کچی مٹی سے   18 کروڑ اینٹیں تیار کی جائیں گی۔

عرب میڈیا کے مطابق  یہ 18 کروڑ اینٹیں مٹی سے بنے دنیا کے سب سے بڑےشہر کی تعمیر کیلئے استعمال کی جائیں گی۔

جوناتھن ٹیمز کا کہنا ہے کہ 'الدرعیہ گیٹ وے' کی تعمیر کا کام جاری ہے جو ہاتھوں سے تیار کردہ مٹی کی اینٹوں سے بنایا جا رہا ہے۔

دنیا کے سب سے بڑے ثقافتی ایونٹ دبئی ایکسپو 2020 کا آغاز ہوگیا

یہ مشرق وسطیٰ کی پہلی ایسی عالمی نمائش ہے جس میں 190 سے زائد ممالک شریک ہیں ۔

انہوں نے کہا کہ  یہ گیٹ وے  اسی طرح بنایا جا رہا ہے جیسا کہ مملکت  میں 300 برس قبل بنایا گیا تھا جبکہ   یہ گیٹ وے دنیا میں مٹی کے سب سے بڑے شہر کا مرکزی دروازہ ہو گا۔

مقامی میڈیا سے بات کرتے ہوئے جوناتھن ٹیمز  نے مزید بتایا کہ الدرعیہ میں کُل 38 ہوٹل بنائے جائیں گے جن میں سے 25 ہوٹل گیٹ وے کے منصوبے میں شامل ہیں،ان کی تعمیر کا کام 2024  تک مکمل کرلیا جائے گا۔

اس کے علاوہ الدرعیہ میں 6 مرکزی عجائب گھر بھی  بنائے جائیں گے۔