12 اکتوبر ، 2021 
امیتابھ بچن کس عمر میں ریلوے اسٹیشن پر گُم ہوگئے تھے؟ اداکار نے بتادیا
12 اکتوبر ، 2021
بالی وڈ کے میگا اسٹار امیتابھ بچن نے حال ہی میں انکشاف کیا ہے کہ وہ 2 سال کی عمر میں ریلوے اسٹیشن پر گُم ہوگئے تھے۔
بھارتی میڈیا کے مطابق امیتابھ بچن نے حال ہی میں معروف بھارتی شو کون بنےگا کروڑ پتی (کے بی سی) میں انکشاف کیا ہے کہ بچپن میں وہ 2 سال کی عمر میں ریلوے اسٹیشن پر گم ہوگئے تھے۔
امیتابھ بچن کاکہنا تھا کہ وہ اپنے والدین کے ہمراہ ریلوے اسٹیشن پر موجود تھے اور اچانک انکے والدین کو احساس ہوا کہ امیتابھ لاپتہ ہیں، ان کے والدین نے آس پا س دیکھا مگر وہ وہاں نہیں تھے۔
امیتابھ بچن نے کہا کہ والدین کافی پریشان ہوگئے تھے کہ اچانک اسٹیشن پر موجود ایک آدمی نے میرے والدین کو بتایا کہ ایک چھوٹا سا بچہ پل پر ٹانگیں لٹکائے بیٹھا ٹرین کو دیکھ رہا ہے کیا وہ آپ کا بچہ ہے ؟
اداکار نے کہا کہ میرے والدین بھاگتے ہوئے پل کی طرف گئے اور مجھے اُٹھالیا۔
واضح رہے کہ بالی وڈ کے سپر اسٹار نے گزشتہ روز اپنی 79 ویں سالگرہ منائی ہے۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
