ملتان: انٹر بورڈ کے نتائج کا اعلان، 48 طلبہ نے 1100 میں سے 1100 نمبر حاصل کرلیے

ملتان، ڈیرہ غازی خان(ڈی جی خان)  اور گوجرانوالا کے تعلیمی بورڈز نے انٹرمیڈیٹ کے نتائج کا اعلان کردیا۔

ملتان میں انٹرمیڈیٹ کے امتحانات میں 82 ہزار  870 طلبا وطلبات نے شرکت کی،  امتحانات میں کامیابی کا تناسب 98.64 فیصد رہا۔

دلچسپ بات یہ ہےکہ ملتان تعلیمی بورڈ کے انٹرمیڈیٹ امتحانات میں 48 طلبا و طلبات نے 1100 میں سے 1100 نمبر حاصل کیے۔

ڈیرہ غازی خان میں بھی انٹر میڈیٹ کے سالانہ امتحانات کے نتائج کا اعلان کردیا گیا۔

چیئرپرسن تعلیمی بورڈ کے مطابق ڈیرہ غازی خان  بورڈ کے امتحانات میں 61 ہزار 812 طلب علموں نےحصہ لیا،جن میں سے 61 ہزار 67 طالب علم پاس ہوئے اور کامیابی کا تناسب 98.79 فیصد رہا۔

گوجرانوالا کے تعلیمی بورڈ نے بھی انٹر کے سالانہ امتحانات کے نتائج کا اعلان کردیا ہے۔

امتحان میں مجموعی طور پر ایک لاکھ 48 ہزار 560 امیدوار کامیاب قرار پائے، کامیابی کا تناسب 98 اعشاریہ 81 فیصد رہا۔

انٹر بورڈ لاہور نے نتائج کا اعلان کردیا، پروموشن پالیسی کے تحت تمام بچے پاس

نتائج پنجاب حکومت کی جاری کردہ پروموشن پالیسی کے تحت مرتب کیے گئے ہیں اور فیل ہونے والے اُمیدواران کو بھی 33 فیصد نمبرز دیے گئے ہیں، اعلامیہ

سندھ کے تعلیمی بورڈز مالی بحران کا شکار ، امتحانی نتائج کی تیاری متاثر ہونےکا خدشہ

مالی بحران شدت اختیار کرگیا ہے جس کے باعث بورڈ ملازمین کو تنخواہیں دینا بھی مشکل ہوگیا ہے