وزیراعظم سے ملاقات کے بعد وزیراعلیٰ بلوچستان کا مستعفی ہونے سے انکار

بلوچستان میں تحریک عدم استحکام کا سامنا کرنے والے وزیراعلیٰ جام کمال نے وزیراعظم عمران خان سے ملاقات کے بعد ایک بار پھر مستعفی ہونے سے انکار کردیا۔

اسلام آباد میں وزیراعظم عمران خان سے ملاقات کے بعد میڈیا سے گفتگو میں جام کمال نے کہا کہ وہ استعفی نہیں دیں گے، دو تین دن میں اسمبلی کا اجلاس بلا رہے ہيں، تحریک عدم اعتماد پر ووٹنگ ہوگی۔

مائنس جام کمال کے علاوہ کوئی آپشن قبول نہیں، باپ کے ناراض ارکان کا دوٹوک جواب

پرویز خٹک نے ناراض اراکین سے افہام وتفہیم کے ساتھ اختلافات ختم کرنے کی درخواست کی، ذرائع

جام کمال نے ناراض اراکین کی جانب سے بلوچستان عوامی پارٹی (BAP) کے جنرل سیکرٹری کو قائم مقام صدر بنائے جانے کا فیصلہ بھی مسترد کردیا اور کہا کہ 11 اکتوبر کو چیف الیکشن کمشنر کو لکھے گئے BAP کے جنرل سیکرٹری منظور کاکڑ کے خط کی قانونی حیثیت نہیں۔

دوسری جانب BAP کے ناراض اراکین بھی اپنے مؤقف پر قائم ہیں۔ عبدالرحمان کیتھران نے جام کمال پر ہارس ٹريڈنگ کا الزام لگایا اور کہا کہ جام کو جانا ہوگا۔

بی اے پی ترجمان نے وزیراعلیٰ جام کمال پر ہارس ٹریڈنگ کا الزام عائد کردیا

جام کمال نے مجھے میرے بیٹے کے ذریعے آفربھیجی: ترجمان بی اے پی سردار عبدالرحمان کھیتران

خیال رہے کہ بلوچستان میں سیاسی بحران جاری ہے، وزیراعلیٰ بلوچستان جام کمال کے خلاف اپوزیشن جماعتوں کے علاوہ ان کی اپنی جماعت کے بھی ارکان نے تحریک عدم اعتماد جمع کرادی ہے۔