19 اکتوبر ، 2021 
کیپیٹل ہل حملہ کیس: ٹرمپ ریکارڈ خفیہ رکھنے کیلئے عدالت پہنچ گئے
19 اکتوبر ، 2021
سابق امریکی صدر ڈونلڈ ٹرمپ نے کیپیٹل حملہ کیس کا ریکارڈ خفیہ رکھنے کے لیے عدالت میں مقدمہ دائر کردیا۔
غیر ملکی خبر ایجنسی کے مطابق ٹرمپ نے امریکی پارلیمنٹ کیپیٹل ہل پر حملے کے کیس کی تحقیقات کرنے والی کانگریس کمیٹی کی تحقیقات کو بھی عدالت میں چیلنج کیا ہے۔
سابق امریکی صدر کی جانب سے کولمبیا کی عدالت میں مقدمہ دائر کیا گیا ہے جس میں دعویٰ کیا گیا ہےکہ ایوان نمائندگان کی کمیٹی کی جانب سے مانگے جانے والے ریکارڈ کو قانونی تحفظ کے دائرے میں ایگزیکٹو حیثیت حاصل ہے جو وائٹ ہاؤس کی خفیہ کمیونی کیشن کا تحفظ بھی کرتا ہے۔
ٹرمپ کی جانب سے دائر مقدمے میں مزید کہا گیا ہےکہ ریکارڈ مانگنے کے حوالے سے کمیٹی کی درخواست کی کوئی مثال نہیں ملتی، یہ کمیٹی کے دائرے سے باہر ہے اور اس ریکارڈ کو منظر عام پر لانے کا کوئی قانونی مقصد نہیں ہے۔
سابق امریکی صدر کی جانب سے عدالت سے رجوع کرنے پر کمیٹی ممبران نے ٹرمپ پر تحقیقات میں رکاوٹ ڈالنے کا الزام عائد کیا ہے۔
واضح رہے کہ سابق امریکی صدر ٹرمپ کے صدارت کے آخری ایام میں ان کے حامیوں نے امریکی پارلیمنٹ کی عمارت پر حملہ کیا تھا جس کی انہوں نے حمایت کی تھی جب کہ اس واقعے کے بعد ٹرمپ کو مواخذے کی تحریک کا بھی سامنا تھا جو کامیاب نہ ہوسکی۔
مزید خبریں :
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
