شادی پر چلانے کیلئے پاکستان کا بہترین گانا کونسا ہے؟ جمائما کی ٹوئٹ پر تجاویز کی بھرمار

 وزیراعظم عمران خان کی سابق اہلیہ جمائما گولڈ اسمتھ نے  سوشل میڈیا صارفین سے شادی پر چلنے والے پاکستانی گانوں کی لسٹ مانگ لی۔

وزیراعظم عمران خان کی سابق اہلیہ جمائما نے اپنے ٹوئٹر اکاؤنٹ پر یہ سوال پوچھ کر تہلکہ مچا دیا کہ شادی پر چلانے کے لیے آج کل پاکستان کا بہترین پاپ گانا کون سا ہے؟

جمائما گولڈ اسمتھ نے شادی پر چلانے کے لیے پاکستانی گانا کیا پوچھا، سب اپنی اپنی تجاویز لے کر آ گئے۔

کسی نے ’لٹھے دی چادر‘ کی فرمائش کی تو کسی نے کہا کہ شادی پر ’تبدیلی آئی رے‘ چلا دیں۔

ایک من چلے نے تو مسلم لیگ ن کا ترانہ چلانے کی فرمائش کر دی جبکہ ایک صارف نے جمائما سے میشا شفیع کی آواز میں گانا ’آیا لاڑھیے نی تیرا‘ چلانے کا کہا۔

عمران خان کی سابقہ اہلیہ کو پاکستانی رکشے کی تلاش

جمائما کی جانب سے ایک ٹوئٹ میں مداحوں کو اپنی فلم کے لیے پاکستانی رکشے کی ضرورت سے متعلق آگاہ کیا گیا۔

ان کے سوال پر لوگوں نے گانے تو بہت سے تجویز کیے مگر ایک سوال یہ بھی ہے کہ یہ گانا کس کی شادی پر چلانے کے لیے چاہیے؟ 

یاد رہے کہ عمران خان کے بیٹے سلیمان کی عمر 25 سال اور قاسم کی عمر22 سال ہے۔