مشتاق احمد کی شادی کیسے ہوئی؟ سابق کرکٹر کا جشنِ کرکٹ میں دلچسپ انکشاف

قومی ٹیم کے سابق کپتان انضمام الحق اور لیگ اسپنر مشتاق احمد نے جیو نیوز کے پروگرام میں اپنی شادیوں سے متعلق دلچسپ گفتگو کی۔

جیو نیوز کے پروگرام جشن کرکٹ کے میزبان شہزاد احمد کی جانب سے سابق ٹیسٹ کرکٹرز سے پوچھا گیا کہ کتنے فیصد لوگ والدین کی پسند اور کتنے فیصد اپنی مرضی سے شادی کرتے ہیں؟

قومی ٹیم کے سابق کپتان انضمام الحق نے دوران شو بتایا کہ ان کی شادی 100 فیصد والدین کی مرضی سے ہوئی تھی۔

مشتاق احمد کا کہنا تھا کہ میں نے پسند کی شادی کی لیکن اس میں والدین کی مرضی بھی شامل تھی۔

انضمام نے ہالینڈ میں وسیم اکرم کو برا بھلا کہنے والے کے ساتھ کیا کیا؟ سابق کپتان کا دلچسپ انکشاف

سابق کپتان اور چیف سلیکٹر نے جیو نیوز کے پروگرام جشن کرکٹ میں ماضی سے متعلق دلچسپ واقعہ سنایا

سابق لیگ اسپنر نے بتایا کہ میری اہلیہ سے شادی سے پہلے ملاقات کی کہانی بھی بہت ہی دلچسپ ہے، ہم لوگ ایک عشائیے پر گئے ہوئے تھے، وقار یونس اور عاقب جاوید بھی میرے ساتھ تھے تو ایک خاتون ان سے آٹو گراف لے رہی تھیں۔

مشتاق احمد نے مزید بتایا کہ میں نے ان خاتون سے کہا کہ میں بھی تو کھلاڑی ہوں، آپ میرا آٹو گراف بھی تو لیں تو بس یہیں سے ہمارے درمیان دوستی کا آغاز ہوا اور پھر ہماری شادی ہو گئی۔

مشتاق احمد کا کہنا تھا کہ پاکستان میں 45 فیصد افراد والدین کی مرضی سے شادی کرتے ہیں اور 55 فیصد پسند کی شادی کرتے ہیں۔

اس سوال کے جواب میں انضمام الحق کا کہنا تھا کہ پاکستان میں 65 فیصد لوگ والدین کی مرضی سے شادی کرتے ہیں جبکہ 35 فیصد پسند کی شادیاں کرتے ہیں۔

عوام نے اس سوال کا جواب دیتے ہوئے کہا کہ پاکستان میں 85 فیصد لوگ والدین کی مرضی سے شادی کرتے ہیں اور پسند کی شادی کرنے والوں کی تعداد صرف 15 فیصد ہے۔