25 اکتوبر ، 2021 
'ابھی نہ جاؤ چھوڑ کے'، پاکستانیوں کی بھارتی کراؤڈ کو الوداع کرنے کی ویڈیو دیکھیں
25 اکتوبر ، 2021
سوشل میڈیا کے مختلف پلیٹ فارمز پر گزشتہ روز کے میچ کی ایک ویڈیو وائرل ہے جس میں بھارتی شائقین اپنی ٹیم کی شکست کے بعد کافی ناراض اور بجھے بجھے سے دکھائی دیے۔
گزشتہ روز پاکستان کی تاریخی فتح اور بھارت کی ناقابلِ فراموش شکست کے بعد بھارتی کراؤڈ اسٹیڈیم سے جلد سے جلد فرار چاہتا تھا لیکن پاکستانی شائقین کو یہ قطعی قبول نہ تھا۔
خوشی سے نہال پاکستانیوں نے اسٹیڈیم سے جاتے ہوئے بھارتیوں کو معروف گانا ابھی نہ جاؤ چھوڑ کے گنگنا کے الوداع کیا جس نے جلتی پر تیل کا کام کیا۔
ویڈیو میں دیکھا جاسکتا ہے کہ کس طرح پاکستانی کھلکھلاتی ہوئی آواز میں گانا گا رہے ہیں تاہم بھارتی جھنڈے والی شرٹس پہنے بھارتیوں نے کسی قسم کے ردعمل کا اظہار نہیں کیا۔
سوشل میڈیا پر یہ ویڈیو کافی وائرل ہورہی ہے جس سے پاکستانی صارفین کافی محظوظ ہورہے ہیں۔
