02 نومبر ، 2021 
پاکستان
لاہورہائیکورٹ کے 2 رکنی بینچ نے چیک خاتون ٹریزا کو بری کرنے کا فیصلہ سنایا— فوٹو:فائل
منشیات کیس میں گرفتار جمہوریہ چیک کی ماڈل کو بری کردیا گیا
02 نومبر ، 2021
لاہور ہائیکورٹ نے منشیات کیس میں 8 سال قید کی سزا کے خلاف چیک ریپبلک کی ماڈل گرل ٹریزا کی اپیل منظور کرلی۔
لاہورہائیکورٹ کے 2 رکنی بینچ نے چیک خاتون ٹریزا کو بری کرنے کا فیصلہ سنایا۔
لاہور کی سیشن عدالت نے چیک ریپبلک کی ماڈل ٹریزا کو منشیات اسمگلنگ کیس میں 8 سال، 8 ماہ قید اور جرمانے کی سزا سنائی تھی جس کے خلاف ماڈل نے ہائیکورٹ سے رجوع کیا تھا۔
یاد رہے کہ غیر ملکی خاتون کو 10 جنوری 2018 کو ساڑھے 8 کلو ہیروئن اسمگل کرنے پر گرفتار کیا تھا، غیر ملکی ماڈل کے ساتھ مزید 4 ملزمان کو نامزد کیا گیا تھا جس میں سے تین اشتہاری ہیں اور شعیب نامی ملزم کو عدم ثبوت پر بری کیا گیا تھا۔
