03 نومبر ، 2021 
پاکستان
حکومت اور ٹی ایل پی کے درمیان معاہدے پر عملدرآمد جاری، کالعدم تنظیم کے مزیدکارکنان رہا
03 نومبر ، 2021
حکومت اور کالعدم تحریک لبیک پاکستان (ٹی ایل پی) کے درمیان ہونے والے معاہدے پر عمل درآمد جاری ہے اور کالعدم تنظیم کے مزید کارکنوں کو رہا کر دیا گیا ہے۔
رپورٹ کے مطابق اڈیالہ جیل سے کالعدم ٹی ایل پی کے مزید 82 کارکنوں کو رہا کر دیا گیا ہے۔
یاد رہے کہ گزشتہ روز بھی کالعدم ٹی ایل پی کے 50 کارکنوں کو رہا کیا گیا تھا۔
دوسری جانب چیف جسٹس لاہور ہائیکورٹ کی سربراہی میں دو رکنی بینچ آج سعد رضوی کی نظر بندی کے معاملے کی سماعت کرے گا۔
پنجاب حکومت کی جانب سے سعد رضوی کی نظربندی کے خلاف دائر درخواست واپس لیے جانے کا امکان ہے۔
