05 نومبر ، 2021 
پاکستان
حیدرآباد کے شہری سب سے زیادہ مہنگی چینی خریدنے پر مجبور
05 نومبر ، 2021
ملک بھر میں چینی کی قیمت میں ہوش ربا اضافہ ہوگیا اور حیدرآباد میں چینی کی فی کلو قیمت نے ملک بھر کے شہروں کو پیچھے چھوڑ دیا۔
پیٹرول کی طرح چینی کی آئے روز بڑھتی قیمتوں نے عوام کے چودہ طبق روشن کردیے ہیں۔
جیو نیوز کے مطابق حیدرآباد میں چینی کی فی کلو قیمت 160 روپے کلو جا پہنچی ہے۔
دوسری جانب پشاور، کوئٹہ اور سوات میں چینی کی فی کلو قیمت 150 روپے تک پہنچ گئی۔
اس کے علاوہ کراچی اور اسلام آباد میں ایک کلو چینی 145 روپے میں مل رہی ہے جب کہ لاہور میں ایک کلو چینی کی قیمت 140 روپے تک پہنچ گئی ہے۔
