05 نومبر ، 2021 
پاکستان
ناظم جوکھیو قتل کیس: پی پی ایم پی اے جام اویس جسمانی ریمانڈ پر پولیس کے حوالے
05 نومبر ، 2021
ناظم جوکھیو قتل کیس میں گرفتار پیپلز پارٹی کے رکن سندھ اسمبلی جام اویس کو جسمانی ریمانڈ پر پولیس کے حوالے کر دیا گیا۔
پولیس نے ناظم جوکھیو قتل کیس میں گرفتاری دینے والے رکن سندھ اسمبلی جام اویس کو جوڈیشل مجسٹریٹ ملیر کی عدالت میں پیش کیا۔
تفتیشی افسر نے عدالت کو بتایا کہ مقتول ناظم جوکھیو کے ورثا نے ایم پی اے جام اویس کو مقدمے میں نامزد کیا ہے جبکہ گرفتار مزید 2 ملزمان حیدر اور میر علی فارم ہاؤس کے ملازم ہیں۔
تفتیشی افسر نے عدالت سے ناظم جوکھیو قتل کیس میں گرفتار ملزمان سے تفتیش کے لیے جسمانی ریمانڈ کی استدعا کی جسے منظور کر لیا گیا۔
عدالت نے رکن سندھ اسمبلی جام اویس اور گرفتار 2 ملزمان کو3 روز کے جسمانی ریمانڈ پر پولیس کی تحویل میں دے دیا۔
