10 نومبر ، 2021 
کوئی گیم شروع نہیں ہورہی، عمران پانچ سال پورے کریں گے: شیخ رشید
10 نومبر ، 2021
اسلام آباد: وفاقی وزیر داخلہ شیخ رشید نے کہا ہےکہ کوئی گیم شروع نہیں ہورہی اور گیم صرف عمران خان کی ہے لہٰذا وہ پانچ سال پورے کریں گے۔
سپریم کورٹ کے باہر میڈیا سے گفتگو کرتے ہوئے شیخ رشید نے کہا کہ سب مسئلوں کی ذمہ داری وزارت داخلہ کی نہیں جب کہ اے پی ایس شہداء کے لواحقین کی درخواست آئے گی تو کارروائی کریں گے۔
وزیر داخلہ کا کہنا تھا کہ کوئی گیم شروع نہیں ہو رہی،گیم صرف عمران خان کی ہے، کوئی خطرے کی بات نہیں ہے، عمران خان کی حکومت کامیاب رہے گی اور پانچ سال پورے کرے گی۔
انہوں نے مزید کہا کہ سپریم کورٹ کا فیصلہ سر آنکھوں پر ہے، اس کے فیصلے حکومت اور وزیراعظم پر بھی لاگو ہیں لہٰذا سپریم کورٹ جو کہے گی وزیراعظم سنیں گے کیونکہ سپریم کورٹ بھی جمہوریت کا حصہ ہے۔
