11 نومبر ، 2021 
ٹی 20 ورلڈکپ: پاکستانی ٹیم اب تک کتنے چھکے جڑ چکی اور کتنی وکٹیں اڑا چکی؟
11 نومبر ، 2021
آئی سی سی مینز ٹی ٹوئنٹی ورلڈکپ میں اب تک جہاں پاکستانی بلے باز مخالف ٹیموں پر قہر بن کر ٹوٹے ہیں تو وہیں بولرز بھی حریف بلے بازوں کے لیے ڈراؤنا خواب ثابت ہوئے ہیں۔
ٹی ٹوئنٹی ورلڈکپ کے سیمی فائنل میں آج پاکستان اور آسٹریلیا کی ٹیمیں آمنے سامنے ہوں گی اور شائقین کرکٹ پرامید ہیں کہ آج ایک دلچسپ مقابلہ دیکھنے کو ملے گا۔
پاکستان کے ریکارڈ پر ایک نظر
پاکستانی ٹیم ٹی ٹوئنٹی ورلڈکپ میں اب تک 5 میچز کھیل چکی ہے اور گرین شرٹس نے پانچوں میں کامیابی حاصل کی ہے۔
قومی بلے باز اس ٹورنامنٹ میں اب تک 813 رنز بنا چکے ہیں جس میں 32 چھکے اور 61 چوکے شامل ہیں۔
شعیب ملک اور محمد رضوان 8، 8 چھکے جڑ چکے ہیں جبکہ محمد آصف 7 اور بابر اعظم 5 چھکے لگا چکے ہیں لیکن اگر چوکوں کی بات کی جائے تو بابر اعظم 23 چوکوں کے ساتھ سرفہرست ہیں جبکہ محمد رضوان نے اب تک 20 چوکے لگائے ہیں۔
پاکستان کی جانب سے اب تک 7 ففٹیز اسکور کی جا چکی ہیں جس میں سے بابر اعظم نے 4، محمد رضوان نے 2 اور شعیب ملک نے ایک نصف سنچری بنائی ہے۔
اگر بولنگ کی بات کی جائے تو پاکستانی بولرز اب تک 29 مخالف بلے بازوں کو پویلین کی راہ دکھا چکے ہیں۔
مزید خبریں :
ویسٹ انڈیز نے دورہ پاکستان کیلئے 15 رُکنی اسکواڈ کا اعلان کر دیا
24 دسمبر ، 2024
