دنیا نے افغانستان کی مدد نہ کی تو دہشت گردی پھیل سکتی ہے، طاہر اشرفی
12 نومبر ، 2021
وزیراعظم کے نمائندہ خصوصی طاہر اشرفی نے کہا ہے کہ دنیا نے افغانستان کی مدد نہ کی تو دہشت گردی پھیل سکتی ہے۔
طاہر اشرفی نے مسلم دنیا کے قائدین کو خط لکھتے ہوئے کہا ہے کہ عالمی انتہا پسند اور دہشتگرد تنظیمیں چاہتی ہیں کہ افغانستان کے حالات خراب ہوں اس لیے اسلامی تعاون تنظیم (او آئی سی) کو افغانستان کے حوالے سے کردار ادا کرنا چاہیے۔
انہوں نے کہا کہ دنیائے اسلام کے قائدین کو افغان صورتحال پر دعوت دینےجارہے ہیں تاکہ فوری طور پر افغانستان کے ساتھ مذاکراتی عمل شروع کیا جائے۔
