پاکستان
Time 13 نومبر ، 2021

47 منزلہ عمارت کو 10 سیکنڈز میں گرانیوالی کمپنی نسلہ ٹاور گرانے کیلئے تیار

دونوں کمپنیاں یو اے ای میں سینتالیس منزلہ عمارت گرانے کا تجربہ رکھتی ہیں/ فائل فوٹو
دونوں کمپنیاں یو اے ای میں سینتالیس منزلہ عمارت گرانے کا تجربہ رکھتی ہیں/ فائل فوٹو

کراچی کی نجی کمپنی نے نسلہ ٹاور کنٹرول بلاسٹ سے گرانے کی پیشکش کردی اور  کمپنی حکام کا دعویٰ ہے کہ وہ یہ کام متحدہ امارات کی ایک کمپنی کی مدد سے کریں گے، دونوں کمپنیاں یو اے ای میں 47 منزلہ عمارت گرانے کا تجربہ رکھتی ہیں۔

نسلہ ٹاور کو کنٹرولڈ ڈیمولیشن سے گرانے کیلئے کراچی کی کمپنی ہائی ٹیک الیکٹرونکس اینڈ مشینری میدان میں آگئی۔ 

کمپنی حکام کا دعویٰ ہے کہ وہ متحدہ عرب امارات میں موجود گرینڈ بلڈنگ ڈیمولیشن کمپنی کے ساتھ مل کر 15 منزلہ نسلہ ٹاور کو مسمار کرسکتے ہیں۔ 

کمپنی کے مطابق وہ گزشتہ سال یو اے ای میں 47 منزلہ اور 144 فلورز پر مشتمل ال مینہ پلازہ کو 10 سیکنڈز میں مسمار کرکے گنیز بک آف ورلڈ ریکارڈ ز میں اپنا نام درج کراچکے ہیں۔

کمپنی کا 47 منزلہ عمارت کو 10 سیکنڈ میں گراکر گنیز بک میں نام درج کرانے کا دعویٰ

دنیا بھر میں بلند عمارتوں کو گرانے کے لیے کنڑولڈ بلاسٹنگ کی جاتی ہے جسے امپلوشن کہتے ہیں، اس میں بلڈنگ کے پلرز میں سوراخ کرکے ٹائمر کے ذریعے بلاسٹ کیا جاتا ہے جس سے دیکھتے ہی دیکھتے بلڈنگ اپنے اندر کی جانب سے گرنا شروع ہوجاتی ہے۔

کمپنی حکام کے مطابق سروے سمیت عمارت کے جائزے سے متعلق ہر کام دو ماہ میں مکمل ہوگا جس کے اگلے دن ہی نسلہ ٹاور کو گرایا جاسکتا ہے، اطراف کی عمارتوں اور تعمیرات کو محفوظ بنانے کے لیے جیو ٹیکسٹائل فیبرک کا استعمال کیا جائے گا ۔ 

 اطراف کی عمارتوں اور تعمیرات کو محفوظ بنانے کے لیے جیو ٹیکسٹائل فیبرک کا استعمال کیا جائے گا 

ضلعی انتظامیہ نے جس دوسری کمپنی کوحتمی فہرست میں شامل کیا اس کا نام اے این آئی کمپنی ہے اور اس نے عمارت کو روایتی طریقے سے گرانے کی پیش کش کی ہے۔ 

یہ کمپنی ماضی میں الادین پارک سمیت مختلف عمارتیں مسمار کرنے کا تجربہ رکھتی ہے۔

مزید خبریں :