13 نومبر ، 2021 
دورہ بنگلادیش: ورلڈ کپ میں نہ کھیل سکنے والے کھلاڑیوں کو موقع ملنے کا امکان
13 نومبر ، 2021
بنگلا دیش کے دورے پر جانے والی پاکستان کرکٹ ٹیم کے تمام کھلاڑیوں کے کورونا ٹیسٹ منفی آگئے۔
قومی اسکواڈ کل ہوٹل میں جمِ اور پُول سیشن کرے گا، 15 نومبر سے نیٹ پریکٹس شروع ہوگی۔
قومی ٹیم کے کپتان بابر اعظم اور شعیب ملک 16 نومبر کو ڈھاکا میں اسکواڈ کو جوائن کریں گے۔
پاکستان کرکٹ ٹیم دبئی سے ڈھاکا پہنچ گئی ہے۔ پاکستان اور بنگلادیش کے درمیان تین ٹی ٹوئنٹی میچز کی سیریز کا آغاز 19 نومبر سےہوگا۔ امکان ظاہر کیا جارہا ہے کہ ورلڈ کپ میں بینچ پر بیٹھے کھلاڑیوں کو اس سیریز میں موقع دیا جاسکتا ہے۔
پاکستان کر کٹ ٹیم ہفتے کی صبح دبئی سے ڈھاکا پہنچی ہے جہاں تمام ارکان کی آن آرائیول کووڈ 19 ٹیسٹنگ کی گئی تھی۔
ذرائع کا کہنا ہے کہ بنگلا دیش کے خلاف تین ٹی ٹوئنٹی میچز میں بنچ پر بیٹھے کھلاڑیوں کو موقع دینے کا فیصلہ کیا گیا ہے، محمد نواز، شاہنواز دھانی، وسیم جونئیر ، عثمان قادر اور خوشدل شاہ کو موقع مل سکتا ہے۔
محمد رضوان کو آرام کرانے کی صورت میں سرفراز احمد بھی پلیئنگ الیون کا حصہ ہوسکتے ہیں۔
مزید خبریں :
آئی سی سی نے چیمپئنز ٹرافی کے شیڈول کا اعلان کر دیا
2 گھنٹے پہلے
ویسٹ انڈیز نے دورہ پاکستان کیلئے 15 رُکنی اسکواڈ کا اعلان کر دیا
24 دسمبر ، 2024
