13 نومبر ، 2021 
سیمی فائنل میں اہم کیچ چھوڑنے کے بعد حسن علی کا پہلا بیان سامنے آگیا
13 نومبر ، 2021
ٹی ٹوئنٹی ورلڈ کپ میں آسٹریلیا کیخلاف سیمی فائنل میں اہم کیچ چھوڑنے کے بعد خود پر ہونے والی تنقید کے بعد حسن علی کا بیان سامنے آگیا۔
ٹوئٹر پر ایک پوسٹ میں حسن علی کا کہنا تھا کہ ' میں جانتا ہوں کہ میری کارکردگی آپ لوگوں کی توقعات کے مطابق نہیں تھی جس پر آپ سب افسردہ ہیں تاہم میں اس سے بھی زیادہ افسردہ ہوں'۔
حسن علی کا کہنا تھا کہ مجھ سےجڑی توقعات تبدیل نہ کریں، میں کرکٹ کے لیے اپنی خدمات جہاں تک مکمن ہوسکے سرانجام دینا چاہتا ہوں، میں واپس سخت محنت کی طرف آگیا ہوں، اس صورتحال نے مجھے اور بھی مضبوط بنادیا ہے، الحمداللہ۔
حسن علی نے شائقین کی جانب سے ان کے لیے پیغامات، ٹوئٹس، فون کالز اور دعاؤں پر شکریہ بھی ادا کیا ہے۔
ٹوئٹ میں حسن علی کی جانب سے حب الوطنی پر مبنی شعر بھی پوسٹ کیا گیا ہے۔
میرا سینہ تیری حُرمت کا ہے سنگین حصار،
میرے محبوب وطن تُجھ پہ اگر جاں ہو نثار
میں یہ سمجھوں گا ٹھکانے لگا سرمایہِ تن،
اے میرے پیارے وطن۔
خیال رہےکہ 11 نومبر کو ٹی ٹوئنٹی ورلڈکپ کے سیمی فائنل میں حسن علی سے شاہین آفریدی کی گیند پر آسٹریلوی بلے باز میتھیو ویڈ کا کیچ ڈراپ ہوگیا تھا جس پر سوشل میڈیا صارفین نے میچ ہارنے کی وجہ قرار دیتے ہوئے فاسٹ بولر پر تنقید کے تیر برسا دیے ۔
متعدد صارفین نے حسن علی کی حمایت میں اپنے پیغامات شیئر کیے اور یقین دہانی کروائی کہ اس مشکل گھڑی میں وہ قومی ہیرو کے شانہ بشانہ کھڑے ہیں۔
مزید خبریں :
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
میسی کا 14 سال بعد بھارت میں فٹبال میچ کھیلنے کا امکان
20 نومبر ، 2024
