’ ویتنام کا عالمی برآمدات میں حصہ بھی پاکستان سے کئی گنا زیادہ ہو گیا‘

پاکستان میں عالمی بینک کے کنٹری ڈائریکٹر ناجی بن حسین نے کہا ہے کہ پچھلے 20 برسوں میں پاکستان کی جی ڈی پی میں ملکی برآمدات کا حصہ مزید کم ہو گیا ہے۔

انہوں نے کہا کہ ویتنام جیسے چھوٹے ملک کا عالمی برآمدات میں حصہ پاکستان سے کئی گنا زیادہ ہو گیا ہے۔

پاکستان نے تاریخ کی مہنگی ترین ایل این جی خریدکر ماضی کے تمام ریکارڈ توڑ دیے

صرف تین ماہ میں قومی خزانے کو 50 کروڑ ڈالر یعنی 83 ارب روپے کا نقصان ہوا: جیو نیوز کے پروگرام میں انکشاف

سوشل میڈیا پر اپنے بیان میں انھوں نے کہا کہ پاکستان کی مجموعی ملکی پیداوار میں برآمدات کا حصہ 2000 ء میں 16 فیصد تھا جو 2020 میں کم ہو کر 10 فی صد رہ گیا ہے،  اس کا مطلب ہے کہ عالمی منڈی میں پاکستانی برآمدات کا شیئر کم ہو رہا ہے۔

انہوں نے کہا کہ 2000 ء میں دنیا بھر میں ہر 10 ہزار ڈالر کی برآمدات میں پاکستان کا حصہ 13 ڈالر تھا جو 2020 میں مزید کم ہو کر 11 ڈالر رہ گیا ہے جبکہ ویتنام جیسے چھوٹے ملک کا عالمی برآمدات میں حصہ بڑھا ہے۔

انہوں نے بتایا کہ 2000 ء میں ہر 10 ہزار ڈالر کی عالمی برآمدات میں ویتنام کا حصہ 21 ڈالر تھا جو اب 127 ڈالر ہو گیا ہے۔