16 نومبر ، 2021 
پاکستان
صدر مملکت نے پارلیمنٹ کا مشترکہ اجلاس کل دوپہر 12 بجے طلب کرلیا
16 نومبر ، 2021
اسلام آباد: صدر مملکت عارف علوی نے پارلیمنٹ کامشترکہ اجلاس بدھ کی دوپہر 12 بجے طلب کرلیا۔
ایوان صدر کی جانب سے جاری اعلامیے کے مطابق صدر عارف علوی نے پارلیمنٹ کامشترکہ اجلاس طلب کرلیاجو دوپہر 12 بجے ہوگا۔
اجلاس میں الیکٹرانک ووٹنگ مشین بل سمیت دیگر بلز پیش کیے جانے کا امکان ہے۔
یاد رہے کہ اس سے قبل 11 نومبر کو پارلیمنٹ کا مشترکہ اجلاس طلب کیا گیا تھا تاہم بعد میں حکومت نے اجلاس مؤخر کردیا تھا اور کہا تھا کہ وہ اہم معاملات پر اپوزیشن سے مشاورت کیلئے تھوڑا اور وقت دے رہے ہیں۔
