20 نومبر ، 2021 
پاکستان
ون وے کی خلاف ورزی خود کشی کے مترادف ہے: سی ٹی او/ فائل فوٹو
لاہور: ون وے کی خلاف ورزی پر بھاری جرمانے شروع
20 نومبر ، 2021
لاہورمیں عدالتی حکم پر ٹریفک پولیس نے ون وے کی خلاف ورزی کرنے والوں کو بھاری جرمانے شروع کردیے۔
ترجمان ٹریفک پولیس کے مطابق ون وے کی خلاف ورزی پر 2 ہزار روپے کا پہلا چالان شاہدرہ میں عابد نامی شہری کا کیا گیا اور دوسرا چالان گرین ٹاؤن سیکٹر میں عبدالرزاق نامی شہری کا کیا گیا۔
سی ٹی او لاہور منتظر مہدی کا کہنا ہے کہ ون وے کی خلاف ورزی خود کشی کے مترادف ہے، کسی بھی سڑک پر ون وے کی خلاف ورزی پر کوڈ 6 کے تحت 2 ہزار روپے جرمانہ ہوگا۔
انہوں نے کہا کہ عدالتی احکامات پر من و عن عمل کروایا جائے گا۔
واضح رہےکہ گزشتہ روز لاہور ہائیکورٹ میں اسموگ پر قابو پانے سے متعلق کیس کی سماعت میں عدالت نے ون وے کی خلاف ورزی پر 2 ہزار روپے جرمانے کی ہدایت کی تھی۔
