22 نومبر ، 2021 
ویڈیو: دھانی کی ٹی ٹوئنٹی ڈیبیو سے قبل والدہ سے ویڈیو کال پر گفتگو
22 نومبر ، 2021
قومی ٹیم کے نوجوان فاسٹ بولر شاہنواز دھانی نے ٹی ٹوئنٹی ڈیبیو سے قبل اپنی والدہ سے ویڈیو کال پر بات کی۔
پاکستان اور بنگلا دیش کے درمیان تین ٹی ٹوئنٹی میچوں پر مشتمل سیریز کا تیسرا اور آخری میچ آج کھیلا جا رہا ہے اور پاکستان کرکٹ بورڈ نے بھی آج کے میچ میں شاہنواز دھانی کے ڈیبیو کی تصدیق کر دی ہے۔
ٹی ٹوئنٹی ڈیبیو سے قبل شاہنواز دھانی نے والدہ سے ویڈیو کال پر بات کی اور انہیں اپنی کامیابی کے لیے دعا کرنے کا کہا۔
فاسٹ بولر نے بتایا کہ انہوں نے اپنی والدہ سے بات کی ہے، وہ بہت خوش تھیں اور انہوں نے کامیابی کے لیے ڈھیروں دعائیں دی ہیں۔
آج خواب پورا ہونے جا رہا ہے: دھانی
دھانی کا کہنا تھا کہ آج میرا ڈبییو میچ ہے، میں بہت پرجوش ہوں، پوری رات مجھے نیند نہیں آئی۔
شاہنواز دھانی کا کہنا تھا کہ ملک کے لیے کھیلنے کے لیے ہر کھلاڑی انتظار کرتا ہے، مجھے آج کے دن کا انتظار تھا، میرا خواب پورا ہونے جا رہا ہے۔
فاسٹ بولر نے کہا کہ میری خواہش تھی کہ میں اپنے گھر والوں کے سامنے ڈیبیو کرتا، بنگلا دیش میں ہونے کی وجہ سے گھر والوں کے سامنے ڈیبیو ممکن نہیں ہو سکا۔
ان کا کہنا تھا کہ میں نے ہر سطح پر محنت کی ہے، لاڑکانہ کا پہلا کھلاڑی بننے جا رہا ہوں، یہ میرے لیے اور لاڑکانہ کے لیے قابل فخر بات ہے، میں ڈیبیو میچ میں مین آف دی میچ بننا چاہتا ہوں۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
