24 نومبر ، 2021 
دبئی کرکٹ کونسل کی پاک بھارت میچ امارات میں کرانے کی پیشکش
24 نومبر ، 2021
دبئی کرکٹ کونسل کے چیئرمین عبدالرحمٰن فلک ناز نے پاک بھارت میچ متحدہ عرب امارات (یو اے ای ) میں کروانے کی پیشکش کی ہے۔
کرکٹ ویب سائٹ کے مطابق چیئرمین دبئی کرکٹ کونسل فلک ناز نے اپنے بیان میں کہا کہ پاکستان اور بھارت کے میچز متحدہ عرب امارات میں کرانا سب سے بہترین قدم ہوگا کیونکہ پاک بھارت میچز کے لیے یواے ای غیر جانبدارانہ مقام ہے۔
انہوں نے کہا کہ پاکستان اور بھارت کی ٹیموں نے کئی سال شارجہ میں کھیلا ہے، ایک بار پھر پاک بھارت کرکٹ سیریز کا انعقاد شارجہ میں کیا جا سکتا ہے کیونکہ شارجہ میں پاک بھارت میچز کے انعقاد کے دوران جنگ کا سا سماں ہوتا تھا لیکن یہ جنگ بھی اچھی تھی جس میں دو ملکوں سے منسلک لوگ اپنی اپنی ٹیموں کو سپورٹ کرتے تھے۔
عبدالرحمان فلک ناز کا کہنا تھا کہ کرکٹ لوگوں کو قریب لاتی ہے اگر ہم بھارت کو پاکستان کے ساتھ سال میں ایک یا دو بار کھیلنے کے لیے آمادہ کرلیں تو یہ کرکٹ اور فینز کے لیے اچھا ہوگا۔
مزید خبریں :
پاکستان اور جنوبی افریقا کا آخری ون ڈے بارش کی نذر ہونیکا امکان
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
پاکستان کے ٹی 20 اسکواڈ کو بہتر بنانے کیلئے بڑا فیصلہ کرلیا گیا
22 دسمبر ، 2024
معروف میکسیکن ریسلر 66 برس کی عمر میں چل بسے
22 دسمبر ، 2024
فراڈ کیس میں سابق بھارتی کرکٹر کے وارنٹ گرفتاری جاری
22 دسمبر ، 2024
