26 نومبر ، 2021 
خلیجی ائیرلائن کی زمبابوے کی فلائٹس معطل، پاکستان سمیت 9 ملکوں کی خواتین ٹیمیں پھنس گئیں
26 نومبر ، 2021
کورونا کی نئی قسم ’اومی کرون‘ کے پھیلاؤ کے خدشے پیش نظر خلیجی ائیرلائن نے زمبابوے کی فلائٹس معطل کردیں جس کے باعث پاکستان سمیت 9 ملکوں کی خواتین ٹیمیں زمبابوے میں پھنس گئیں۔
متحدہ عرب امارات (یواے ای) نے افریقی ملکوں سے آنے والی پروازوں پر پابندی لگادی ہے جبکہ یہ پابندی جنوبی افریقا، زمبابوے، موزمبیق اورنمیبیا سمیت دیگرملکوں پرلگائی گئی ہے۔
29 نومبر سے افریقی ملکوں سے آنے والوں کو دبئی میں داخلے کی اجازت نہیں ہوگی۔
خلیجی ائیرلائن کی زمبابوے فلائٹس معطل ہونے پر کرکٹ حکام پریشان ہیں۔ پاکستان سمیت 9 ملکوں کی خواتین ٹیمیں اس وقت زمبابوے میں موجود ہیں۔
ذرائع نے بتایا کہ پاکستان کرکٹ بورڈ معاملے پر آئی سی سی اور ٹیم سے رابطے میں ہے جبکہ آئی سی سی ٹورنامنٹ کو معطل کرنے سمیت متعدد آپشن پر غور کررہا ہے۔
ذرائع کا کہنا تھاکہ پاکستان کرکٹ بورڈ کا لاجسٹک ڈپارٹمنٹ بھی مختلف آپشنز پر غور کررہا ہے۔
خیال رہے کہ زمبابوے میں آئی سی سی ویمنز ورلڈکپ 2021 کے کولیفائرز مقابلے جاری ہیں۔
مزید خبریں :
ویڈیو: پیرو میں میچ کے دوران بجلی گرنے سے فٹبالر ہلاک ہوگیا
04 نومبر ، 2024
