27 نومبر ، 2021 
پاکستان
ڈاکٹر لبنیٰ عدنان 2 سال قبل ڈاکٹرنمرتا کی موت کے وقت بھی ہاسٹل پرووسٹ تھیں— فوٹو:فائل
چانڈکا میڈیکل کالج میں طالبہ کی پراسرار موت، گرلزہاسٹل کی انچارج کا تبادلہ
27 نومبر ، 2021
چانڈکا میڈیکل کالج لاڑکانہ میں طالبہ کی پراسرار موت کے بعد گرلز ہاسٹل 2 کی انچارج کا تبادلہ کردیاگیا۔
رجسٹرار قرار شاہ کے مطابق اسسٹنٹ پروفیسرپیتھالوجی ڈاکٹرلبنیٰ سے پرووسٹ کا اضافی چارج واپس لے لیاگیا۔
رجسٹرار کا کہنا ہے کہ بینظیرنرسنگ کالج کی لیکچرر فریدہ راجہ ہاسٹل 2 کی ڈپٹی پرووسٹ تعینات کیا گیا ہے۔
خیال رہے کہ ڈاکٹر لبنیٰ عدنان 2 سال قبل ڈاکٹرنمرتا کی موت کے وقت بھی ہاسٹل پرووسٹ تھیں۔
خیال رہے کہ گزشتہ دنوں لاڑکانہ میں چانڈکا میڈیکل کالج کی چوتھے سال کی طالبہ نے مبینہ طور پر خودکشی کر لی تھی، طالبہ کی لاش ہاسٹل کے کمرے میں پنکھے سے لٹکی ہوئی ملی تھی۔
