انٹرٹینمنٹ
29 نومبر ، 2021

سلمان خان کا وہ کونسا مشہور گانا تھا جسے 6 سال تک فلموں میں جگہ نہ ملی؟

بالی وڈ کے سپر اسٹار سلمان خان کی ہر فلم کا گانا ہی ہِٹ ہوتا ہے —فوٹو: فائل
بالی وڈ کے سپر اسٹار سلمان خان کی ہر فلم کا گانا ہی ہِٹ ہوتا ہے —فوٹو: فائل 

 بالی وڈ کے سپر اسٹار سلمان خان نے  ویسے تو کئی سپر ہِٹ گانےفلم  انڈسٹری کو دیے ،لیکن کیا آپ جانتے ہیں ان کی فلم کا ایک مشہور گانا 6 سال تک میوزک پروڈیوسرز کو متاثر کرنے میں ناکام رہا ۔

سلمان خان نے حال ہی میں بھارتی میوزک ریئلیٹی شو 'سا رے گا ما پا' میں شرکت کی اور انکشاف کیا کہ ان کی فلم 'پیار کیا تو ڈرنا کیا' کا مشہور زمانہ گانا'او او جانے جانا ڈھونڈے تجھے دیوانا' کو میوزک پروڈیوسرز نے 6 سال تک کسی فلم میں شامل نہیں کیا۔

اداکار نے بتایا کے میرے پاس یہ گانا تقریباً 6 سال سے سی ڈی(CD) میں تھا جبکہ اس وقت بہت سی بڑی میوزک کمپنیوں نے اسے کسی فلم میں شامل کرنے سے انکار کیا۔

سلمان خان کا کہنا تھا کہ مجھے یہ گانا اتنا پسند تھا کہ میں نے اسے اپنی آنے والی فلم ’پیار کیا تو ڈرنا کیا‘ میں استعمال کرنے کا فیصلہ کیا۔

واضح رہے کہ فلم پیار کیا تو ڈرنا کیا 1998 میں سہیل خان نے ڈائریکٹ کی تھی جب کہ اس کا گانا او او جانے جانا  گلوکار کمال خان نے گایا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM