29 نومبر ، 2021 
چٹاگانگ ٹیسٹ: شاہین آفریدی کے چوتھی مرتبہ ایک اننگز میں 5 شکار
29 نومبر ، 2021
چٹاگانگ ٹیسٹ کی دوسری اننگز میں شاہین شاہ آفریدی نے تباہ کن بولنگ کا مظاہرہ کرتے ہوئے 5 بنگلا دیشی کھلاڑیوں کو پویلین کی راہ دکھائی۔
شاہین شاہ آفریدی نے چٹاگانگ ٹیسٹ کی دوسری اننگز میں بنگلا دیش کے خلاف 32 رنز دیکر 5 وکٹیں حاصل کیں اور اس طرح انہوں نے چوتھی بار ایک اننگز میں 5 یا اس سے زائد کھلاڑیوں کو آؤٹ کرنے کا کارنامہ انجام دیا۔
بنگلا دیش کے خلاف 5 وکٹیں حاصل کرنے پر شاہین شاہ آفریدی نے گراؤنڈ میں سجدہ شکر ادا کیا اور تمام قومی کھلاڑیوں نے بھی فاسٹ بولر کو مبارکباد پیش کی۔
پاکستان کرکٹ بورڈ کی جانب سے بھی شاہین شاہ آفریدی کی 5 وکٹوں پر ٹوئٹر پر ایک پوسٹ شیئر کی گئی۔
اس موقع پر شاہین شاہ آفریدی کا کہنا تھا کہ مجھے پارٹنرشپ میں بولنگ کرنا پسند ہے لیکن حسن علی کے ساتھ بولنگ کرنے کا مزہ ہی الگ ہے، بعض اوقات وہ بیٹرز کو قابو کرتا ہے اور بعض اوقات میں قابو کرتا ہوں۔
شاہین شاہ آفریدی کا کہنا ہے کہ ہم آپس میں مشورہ کرتے ہیں کہ کون وکٹ کے لیے جائے گا اور کون بیٹرز کو قابو کرے گا اور اس معاملے پر حسن علی بھی مجھے مکمل سپورٹ کرتا ہے۔
یاد رہے کہ بنگلا دیش کے خلاف چٹاگانگ ٹیسٹ کی پہلی اننگز میں حسن علی نے بھی 5 وکٹیں حاصل کی تھیں۔
مزید خبریں :
کراچی پریمیئر لیگ ملیر ڈولفنز نے جیت لی
5 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
