29 نومبر ، 2021 
مسجد الحرام کا تیسرا توسیعی منصوبہ مکمل کرلیا گیا
29 نومبر ، 2021
سعودی عرب میں حرمین شریفین کے امور کے نگران ادارے کا کہنا ہے کہ حرم مکی شریف (مسجد الحرام) کا تیسرا توسیعی منصوبہ مکمل کرلیا گیا ہے۔
سعودی اخبار کے مطابق مسجد الحرام میں معتمرین اور نمازیوں کی سہولت کے لیے تیسرا توسیعی منصوبہ مکمل ہوگیا ہے، اس منصوبے میں معتمرین اور نمازیوں کے لیے گنجائش میں مزید اضافہ کیا گیا ہے اور رش کو کنٹرول کرنے کے لیے جدید مکینزم بنایا گیا ہے۔
توسیعی منصوبے میں مسجد الحرام کے مینار، نئے کوریڈورز اور جدید ائیرکنڈیشنگ نظام بھی شامل ہے۔
تیسرے توسیعی منصوبے کے پروجیکٹ ڈائریکٹر انجینیئر ولید المسعودی کے مطابق معتمرین اور نمازیوں کو زیادہ سے زیادہ سہولیات کی فراہمی کے لیے انتظامات مکمل کرلیےگئے ہیں۔
ولید المسعودی کے مطابق ٹھنڈا آب زم زم فراہم کرنے کے لیے جدید ریفریجریٹر نصب کیے گئے ہیں اور جدید ٹیکنالوجی کی لائٹس نصب کی گئی ہیں جو ضرورت کے مطابق روشنی فراہم کریں گی ۔
خیال رہےکہ کورونا وبا کے باعث تقریباً ایک سال کے وقفےکے بعد حرم مکی کے تیسرے توسیعی منصوبے کو رواں سال جولائی میں دوبارہ شروع کیا گیا تھا۔
تیسرے توسیعی منصوبے کا اعلان خادم الحرمین شریفین شاہ سلمان نے 2015 میں کیا تھا جسے 6 سال کی مدت میں مکمل کرلیا گیا ہے۔
مزید خبریں :
بیروت: اسرائیلی حملے میں حزب اللہ کے ترجمان شہید
1 گھنٹے پہلے
شمالی غزہ میں اسرائیلی فوج کےکیپٹن سمیت 2 اہلکار ہلاک
17 نومبر ، 2024
