کھیل
30 نومبر ، 2021

چٹاگانگ ٹیسٹ میں شاندار کارکردگی پر عابد علی پلیئر آف دی میچ قرار

چٹاگانگ ٹیسٹ میں شاندار کارکردگی دکھانے پر عابد علی کو پلیئر آف دی میچ کا ایوارڈ دیا گیا۔

پی سی بی کے ٹوئٹر اکاؤنٹ پر جاری ویڈیو بیان میں عابد علی نے کہا کہ ڈومیسٹک کرکٹ کھیلتا ہوا  آرہا ہوں، پر اعتماد تھا اور  ایک اچھی پارٹنر شپ ہی لگانی تھی۔

انہوں نے کہا کہ مین آف دی میچ قرار دیے جانے  کی بہت خوشی ہے جس کا کریڈٹ ڈومیسٹک میں کھیلنے کو جاتا ہے، ڈومیسٹک کرکٹ کھیلنے سے مجھے اعتماد ملا ہے، پہلی اننگز میں سنچری مکمل کی  مگر دوسری میں نہ کر سکا جس کا افسوس ہے لیکن یہ کھیل کا حصہ ہے اور  خوشی ہے کہ ہم میچ جیت گئے ۔

عابد علی کا کہنا تھا کہ آئی سی سی مینز ورلڈ ٹیسٹ چیمپئین شپ ہمارے لیے بڑی اہم ہے، پہلا ٹیسٹ ہم نے جیت لیا ہے  اور اب دوسرے ٹیسٹ میچ کو دیکھ رہے ہیں، ہماری کوشش ہے کہ ٹیسٹ چیمپیئن شپ کے پوائنٹس ٹیبل میں اوپر کی طرف بڑھتے جائیں۔

عابد علی 4 دسمبر سے شروع ہونے والے دوسرے ٹیسٹ میچ کے لیے بھی خاصے پرعزم نظر آئے۔

انہوں نے کہا کہ دوسرے میچ میں بھی اسی مومنٹم کو لے کر چلوں گا، یہ پرفارمنس اب ماضی کا حصہ بن چکی  جس کے بعد  اب ڈھاکا میں بھی مثبت مائنڈ سے کھیلنا ہے۔

اس موقع پر عابد علی نے  ساتھی  اوپنر عبد اللہ شفیق کی تعریف کرتے ہوئے کہا کہ انہوں نے   اچھی بیٹنگ کے ذریعے بہت مدد کی  ہے میری نیک خواہشات ان کے ساتھ ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM