چانڈکا میڈیکل کالج کی طالبہ کی مبینہ خودکشی کی تحقیقات میں اہم پیش رفت
01 دسمبر ، 2021
چانڈ کا میڈیکل کالج کی طالبہ نوشین کی مبینہ خودکشی کے کیس کی تحقیقات میں اہم پیش رفت ہوئی ہے۔
پولیس نےطالبہ سےزیادتی کا امکان مسترد کردیا جبکہ موت کی حتمی وجہ کا تعین میڈیکل اورکیمیکل رپورٹس آنےکےبعد ہوگا۔
ایس ایس پی لاڑکانہ کے مطابق طالبہ کے کمرے سے پولیس کوایک نہیں بلکہ 2 تحریریں ملی ہیں، ایک تحریر لاش کے بالکل قریب اور ایک نوٹ بک سے ملی۔
ایس ایس پی کے مطابق دونوں تحریروں میں مماثلت پائی جاتی ہے لیکن اس کا فارنزک کروایاجائیگا۔
دوسری جانب وزیراعلیٰ سندھ نے نوشین کی پراسرار موت کی جوڈیشل انکوائری کا حکم دے دیا۔
خیال رہےکہ گزشتہ دنوں ہاسٹل میں نوشین کی اس کےکمرے سے پھندا لگی لاش ملی تھی۔
