طالبان فورسز سے جھڑپ کیوں ہوئی؟ ایرانی مؤقف بھی سامنے آگیا

افغانستان میں بر سر اقتدار طالبان کی فورسز اور ایران کے سرحدی گارڈز کے درمیان جھڑپوں کے حوالے سے طالبان حکومت کے نائب ترجمان بلال کریمی کے بعد اب ایران کا مؤقف بھی سامنے آگیا ہے۔

طالبان فورسز اور ایرانی سرحدی فورس کے درمیان جھڑپوں کی اطلاعات

لڑائی کے دوران طالبان کی جانب سے ہلکے ہتھیاروں کے علاوہ بھاری اسلحہ کا بھی استعمال کیا گیا

ایران کی نیم سرکاری خبر رساں ایجنسی ’تسنیم‘ کے مطابق ایرانی سرحدی گارڈز اور طالبان فورسز کے درمیان جھڑپیں اب ختم ہوچکی ہیں۔

ایجنسی کے مطابق افغان صوبے نمروز کے سرحدی علاقے میں طالبان فورسز کے جھڑپیں سرحدی غلط فہمی کی وجہ سے ہوئیں، علاقے کے رہائشیوں کے درمیان سرحدی تنازعے نے واقعے کو جنم دیا۔

ایرانی فورسز سے جھڑپ، طالبان حکومت کے نائب ترجمان کا بیان سامنے آگیا

امارت اسلامی کے نائب ترجمان بلال کریمی نے اس بات کی تصدیق کی ہے کہ صوبہ نمروز کے سرحدی علاقوں میں طالبان فورسز اور ایرانی فورسز کے درمیان جھڑپیں ہوئیں

اس حوالے سے ترجمان ایرانی وزارت خارجہ کا کہنا ہے کہ افغان سرحد پر معاملہ حل ہوگیا ہے، افغان اور  ایرانی بارڈر گارڈز کے درمیان رابطےکے بعد فائرنگ روک دی گئی ہے۔

تسنیم نیوز ایجنسی کا کہنا ہے کہ طالبان فورسز کی جانب سے ایرانی چیک پوسٹس پر قبضے کی خبر بھی غلط ہے۔