'سیلفی نہیں لینے دو گے تو شادی میں نہیں آؤں گا'، معروف اداکار کا وِکی کے نام پیغام

بالی وڈ کی اسٹار جوڑی کترینہ اور وکی کی جانب سے اب تک اپنی شادی کی تصدیق نہیں کی گئی ہے__فوٹو فائل
بالی وڈ کی اسٹار جوڑی کترینہ اور وکی کی جانب سے اب تک اپنی شادی کی تصدیق نہیں کی گئی ہے__فوٹو فائل

بالی وڈ کے معروف اور سینئر اداکار گجراج راؤ نے وِکی کوشل کے نام ایک پیغام جاری کیا ہے۔

گجراج راؤ نے انسٹاگرام پر کترینہ اور وِکی کی شادی میں موبائل فون لانے پر پابندی کی خبر شیئر کی اور ساتھ ہی انہوں نے وِکی کوشل کو مینشن کرتے ہوئے لکھا کہ سیلفی نہیں لینے دے گا تو میں نہیں آرہا بیاہ میں۔

گجراج راؤ نے انسٹاگرام پر کترینہ اور وِکی کی شادی پر موبائل فون لانے پر پابندی کی خبر شیئر کی__فوٹو فائل
گجراج راؤ نے انسٹاگرام پر کترینہ اور وِکی کی شادی پر موبائل فون لانے پر پابندی کی خبر شیئر کی__فوٹو فائل

گجراج راؤ کی انسٹا اسٹوری سوشل میڈیا کے کئی پیجز پر وائرل ہے جب کہ بھارتی میڈیا کے مطابق سینئر اداکار کی یہ اسٹوری اس بات کا ثبوت ہے کہ وِکی اور کترینہ کی شادی ہورہی ہے۔

اسکرین شاٹ: بھارتی میڈیا
اسکرین شاٹ: بھارتی میڈیا

بالی وڈ کی اسٹار جوڑی کترینہ اور وکی کی جانب سے اب تک اپنی شادی کی تصدیق نہیں کی گئی ہے جب کہ بھارتی میڈیا اس بات پر مُصر ہے کہ دونوں کی شادی کی تقریبات کا آغاز 7 دسمبر سے ہورہا ہے۔

بھارتی میڈیا نے اس سے قبل یہ دعویٰ کیا تھا کہ جوڑے کی شادی میں آنے والوں پر موبائل فون لے جانے پر پابندی ہوگی جب کہ مہمانوں کو ضابطہ اخلاق کا ایک فارم بھی دیا جائے گا جس پر درج شرائط انہیں پورا کرنا ہوں گی۔

مزید خبریں :