سری لنکن شہری پریانتھا کی میت کولمبو روانہ

لاہور: سری لنکاکے مقتول شہری پریانتھا کمارا کی میت کولمبو روانہ کردی گئی۔

سیالکوٹ میں ہجوم کے ہاتھوں بے دردی سے قتل کیے جانے والے نجی فیکٹری کے منیجر اور سری لنکن شہری پریانتھا کمارا کی میت لے جانے کے لیے سری لنکن سفارتخانے کے اہلکار علی الصبح اسپتال پہنچے جہاں اہلکاروں نے پریانتھاکی میت پر پھول رکھے۔

سیالکوٹ فیکٹری کے غیر ملکی منیجر کو مذہبی پوسٹر اتارنے کا الزام لگا کر قتل کردیا گیا

اسپورٹس گارمنٹ کی فیکٹری کے مشتعل ورکرز نے پریانتھا کمارا کو مار مار کر ادھ موا کیا، لاش کو گھسیٹ کر باہر چوک پر لے گئے پھر آگ لگا دی

پریانتھا کمارا کی میت کو سیالکوٹ سے لاہور لایا گیا اور اس موقع پر وزیراعلیٰ پنجاب کی نمائندگی صوبائی وزیر اقلیتی امور اعجاز عالم نے کی، عثمان بزدار کو اہم میٹنگ کے باعث اسلام آباد جانا پڑا۔

مقتول فیکٹری منیجر  پریانتھا کمارا کی آخری رسومات کولمبو میں ادا کی جائیں گی۔

پسِ منظر

خیال رہے کہ 3 دسمبر کو اسپورٹس گارمنٹ کی فیکٹری کے غیر مسلم سری لنکن منیجر پریانتھا کمارا پر فیکٹری ورکرز نے مذہبی پوسٹر اتارنے کا الزام لگا کر حملہ کردیا، پریانتھا کمارا جان بچانے کیلئے بالائی منزل پر بھاگے لیکن فیکٹری ورکرز نے پیچھا کیا اور چھت پر گھیر لیا۔

انسانیت سوز خونی کھیل کو فیکٹری گارڈز روکنے میں ناکام رہے، فیکٹری ورکرز منیجر کو مارتے ہوئے نیچے لائے ، مار مار کر جان سے ہی مار دیا، اسی پر بس نہ کیا، لاش کو گھسیٹ کر فیکٹری سے باہر چوک پر لے گئے، ڈنڈے مارے، لاتیں ماریں اور پھر آگ لگا دی۔

سری لنکن شہری کو بچانےکی جدوجہد کرنیوالے ملک عدنان نے تفصیلات بتادیں

ہجوم نے مجھے بھی چھت سے پھینکنےکی کوشش کی، ان کو بچانے کے دوران موت کا خوف ذہن میں نہیں آیا، ملک عدنان

’منیجر نے ملازمین سے معذرت کی تھی‘، سیالکوٹ واقعے کی مزید تفصیلات سامنے آگئیں

سڑک بند ہونے سے پولیس کی نفری کو جائے وقوعہ پر پہنچنے میں تاخیر ہوئی اور ڈی پی او بھی خود پیدل بھاگ کر جائے وقوعہ پر پہنچے: تحقیقات