نورا نے فراڈ کیس کے ملزم سے قیمتی تحفہ لیا: چارج شیٹ میں انکشاف

بھارتی میڈیا نے بالی وڈ اداکارہ نورا فتیحی سے متعلق انکشاف کیا ہے کہ انہوں نے فراڈ اور  بھتہ خوری کے کیس میں ملوث ملزم سکیش چندر شیکھر  سے قیمتی تحفہ لیا۔

انفورسمنٹ ڈائریکٹوریٹ کی جانب سے حال ہی میں سکیش چندر شیکھر کے خلاف جاری کی گئی چارج شیٹ میں نورا فتیحی کا نام بھی شامل ہے۔

بھارتی میڈیا کے مطابق اس چارج شیٹ میں بتایا گیا ہےکہ سکیش چندر شیکھر نے نورا فتیحی کو بھی ایک مہنگی گاڑی تحفے میں دی تھی۔

منی لانڈرنگ کیس: جیکولین فرنینڈس کو بھارت سے باہر جانے سے روک دیا گیا

جیکولین فرنینڈس دبئی میں ایک شو میں شرکت کے لیے جارہی تھیں، بھارتی میڈیا

بھارتی میڈیا کے مطابق نورا فتیحی کو سکیش چندر کی اہلیہ  نے ایک تقریب میں مدعو کیا تھا جس میں شرکت کے عوض نورا نے شیکھر سے مہنگی گاڑی وصول کی۔

خیال رہے کہ  نورا فتیحی سے فراڈ کیس میں پہلے ہی پوچھ گچھ کی جاچکی ہے اور وہ اس حوالے سے تردید کرچکی ہیں۔

گزشتہ روز منی لانڈرنگ میں ملوث ہونےکے الزام میں  جیکولین فرنینڈس کو بھارت سے باہر جاتے ہوئے ممبئی ائیرپورٹ پر روک لیا گیا تھا۔

بھارتی میڈیا کے مطابق بھارت میں انسداد معاشی جرائم کے ادارے انفورسمنٹ ڈائریکٹوریٹ کی جانب سے جاری حکم نامے پر امیگریشن حکام نے جیکولین فرنینڈس کو حراست میں لیا تاہم کچھ دیر روک کر انہیں گھر جانے کی اجازت دے دی گئی۔