فراڈ کیس کے قیدی سے بی ایم ڈبلیو اور آئی فون لیا، نورا فتیحی کا انکشاف

بالی وڈ اداکارہ نورا فتیحی نے فراڈ اور  بھتہ خوری کے کیس میں ملوث ملزم سُکیش چندر شیکھر سے قیمتی تحائف لینے کا اعتراف کر لیا۔

انفورسمنٹ ڈائریکٹوریٹ آف انڈیا کی جانب سے سُکیش چندر شیکھر کے خلاف جاری کی گئی چارج شیٹ میں نورا فتیحی کا نام بھی شامل ہے، چارج شیٹ میں بتایا گیا  کہ نورا فتیحی نے سُکیش کی ایک تقریب میں شرکت کے عوض مہنگی گاڑی وصول کی تھی۔

اب نورا فتیحی نے انفورسمنٹ ڈائریکٹوریٹ کی جانب سے پوچھ گچھ میں اعتراف کیا ہے کہ انھیں سُکیش چندر شیکھر نے ایک بی ایم ڈبلیو سیڈان تحفے میں دی جبکہ سکیش چندر کی اہلیہ نے بھی اپنے شوہر کی طرف سے ایک گوچی بیگ اور  آئی فون تحفے میں دیا۔

اس سے قبل جیکولین فرنینڈس بھی اعتراف کرچکی ہیں کہ انھیں سُکیش نے ڈیڑھ لاکھ ڈالر کا قرض، 52 لاکھ بھارتی روپے کا گھوڑا اور 9 لاکھ بھارتی روپے کی بلی تحفے میں دی تھی۔

خیال رہےکہ جیکولین فرنینڈس 200 کروڑ بھارتی روپے سے زائدکے فراڈ اور بھتہ خوری میں ملوث گرفتار ملزم سکیش چندر شیکھرکےکیس میں زیر تفتیش ہیں، رواں سال اگست میں انفورسمنٹ ڈائریکٹوریٹ نے نئی دہلی میں اداکارہ سے 5 گھنٹوں تک پوچھ گچھ کی تھی جس کے بعد انہیں دوبارہ طلب کر کے بھی پوچھ گچھ کی گئی۔

نورا نے فراڈ کیس کے ملزم سے قیمتی تحفہ لیا: چارج شیٹ میں انکشاف

انفورسمنٹ ڈائریکٹوریٹ کی جانب سے حال ہی میں سکیش چندر شیکھر کے خلاف جاری کی گئی چارج شیٹ میں نورا فتیحی کا نام بھی شامل ہے۔

منی لانڈرنگ کیس: جیکولین فرنینڈس کو بھارت سے باہر جانے سے روک دیا گیا

جیکولین فرنینڈس دبئی میں ایک شو میں شرکت کے لیے جارہی تھیں، بھارتی میڈیا