19 دسمبر ، 2021 
پاکستان
شیرشاہ دھماکے میں جاں بحق افراد کی تعداد 17 ہوگئی، مقدمہ درج
19 دسمبر ، 2021
کراچی کےعلاقے شیر شاہ میں نالے میں گیس بھرنے سے ہونے والے دھماکے میں جاں بحق افراد کی تعداد 17 ہو گئی۔
گزشتہ روز ہونے والے دھماکے میں نالے کے اوپر بنی کئی عمارتوں میں سے ایک میں بنا شوروم اور ایک بینک کی عمارت کھنڈر بن گئی تھی، تباہ شدہ عمارتوں کے ملبے نے جہاں گاڑیوں اور موٹرسائیکلوں کو برباد کیا وہیں یہ ملبہ قریبی پیٹرول پمپ پر بھی جاگرا تھا۔
اس واقعے میں تحریک انصاف کے رہنما اور رکن قومی اسمبلی عالمگیر خان کے والد سمیت 16 افراد جاں بحق ہو گئے تھے جن کی تعداد اب 17 ہوگئی ہےجبکہ حادثے سے متاثرہ 8 زخمی زیرعلاج ہیں۔
پولیس کا بتانا ہے کہ دھماکا نالے میں گیس بھرنے ہونے سے ہوا جبکہ دھماکے کا مقدمہ پولیس انسپکٹرکی مدعیت میں درج کر لیا گیا ہے۔
