امتحان میں منفرد طریقے سے نقل کرنے والا شخص پکڑا گیا

امتحانات میں نقل کے حوالے سے آپ نے بہت سے واقعات سنے ہوں گے اور اس حوالے سے بے شمار امیدواروں کو مختلف طریقے اپناتے دیکھا ہوگا، آج ہم آپ کو ایک ایسے ہی امیدوار کے بارے میں بتانے جارہے ہیں جس نے نقل کرنے کیلئے وِگ کا سہارا لیا۔

رپورٹس کے مطابق بھارتی ریاست اتر پردیش  میں ایک امیدوار نے پولیس سب انسپکٹر کے لیے سرکاری امتحان میں شرکت کی اور نقل کرنے کیلئے ایک منفرد حربہ استعمال کیا۔

بھارت میں طلباء کو نقل سے روکنے کیلئے انوکھا طریقہ

سوشل میڈیا پر طلباء کو نقل سے روکنے کیلئے قدم پر یونیورسٹی انتظامیہ کو شدید تنقید کا نشانہ بنایا جا رہا ہے۔

میڈیا رپورٹس کے مطابق موصوف  اپنی وِگ میں بلوٹوتھ اورکانوں میں ائیر پوڈ  نصب کرکے امتحان میں نقل کررہے تھے تاہم ایک پولیس اہلکار کو امیدوار  پر شک ہوا جس پر اس کی  تلاشی لی گئی۔

دوران تلاشی  پولیس اہلکاروں نے دیکھا کہ  امیدوار نے سر پر وِگ لگا رکھی ہے، جب اس کی وِگ اتاری تو اس میں سے ایک بلوٹوتھ اورکانوں کے اندر دو ائیر پوڈ  ملے۔

پولیس کے مطابق ائیر پوڈ اتنے چھوٹے تھے کہ امیدوار  انہیں ہٹانے سے قاصر تھا۔

بھارتی پولیس آفسر نے امیدوار کی تلاشی لیتے ہوئے ویڈیو ٹوئٹر پر بھی جاری کی جسے 94 ہزار سے زائد صارفین  دیکھ چکے ہیں۔