27 دسمبر ، 2021 
2021 میں کونسی ایپلیکیشنز سب سے زیادہ ڈاؤن لوڈ کی گئیں؟
27 دسمبر ، 2021
سوشل میڈیا کا ہماری زندگی میں اثر اتنا بڑھ چکا ہے کہ یہ کوئی تعجب کی بات نہیں کہ 2021 میں سب سے زیادہ ڈاؤن لوڈ کی جانے والی ایپلیکیشنز میں بڑی حد تک سوشل میڈیا ایپس شامل ہیں۔
Appfigures کے جاری کردہ اعدادوشمار کے مطابق 2021 میں سب سے زیادہ ڈاؤن لوڈ کی جانے والی ایپلیکیشنز میں ٹک ٹاک سرفہرست ہے ،جسے اس سال 58 کروڑ 60 لاکھ سےزیادہ نئے صارفین نے ڈاؤن لوڈ کیا۔
اس فہرست میں دوسرا نمبر انسٹا گرام کا ہے جسے رواں سال میں 56 کروڑ 60 لاکھ بار ڈاؤن لوڈ کیا گیا۔
اس کے علاوہ میٹا ایپس فیس بک اور واٹس ایپ بالترتیب 47 کروڑ 40 لاکھ اور 44 کروڑ 40 لاکھ بار ڈاؤن لوڈز کے ساتھ تیسرے اور چوتھے نمبر پر رہے جبکہ ٹیلی گرام نے واٹس ایپ کی پرائیویسی سے متعلق تنازعہ کی وجہ سے اپنے سبسکرائبر ز میں 36 کروڑ50 لاکھ نئے صارفین کا اضافہ کیا۔
اسنیپ چیٹ، میسینجر ، زوم ، کیپ کٹ اور گوگل میٹ نے بھی 2021 میں سب سے زیادہ ڈاؤن لوڈ ہونے والی ایپلیکیشنز کی فہرست میں جگہ بنائی۔
مزید خبریں :
انسٹا گرام میں ایک دلچسپ فیچر کا اضافہ
24 دسمبر ، 2024
50 ہزار سال سے برف میں صحیح حالت میں منجمد اونی میمتھ دریافت
24 دسمبر ، 2024
ملک میں انٹرنیٹ اسپیڈ بڑھانے کیلئے جدید کیبل آج منسلک ہوگی
24 دسمبر ، 2024
