پاکستان
27 دسمبر ، 2021

میئر پشاورکی نشست ہارنے پر پی ٹی آئی رہنماؤں کے درمیان اختلافات بڑھ گئے

رضوان بنگش پیراشوٹ کے ذریعے گورنر شاہ فرمان اور ان کے حواریوں کی تجوریاں بھر کر میئر بننے کا خواب دیکھ رہا تھا: ارباب محمد علی۔ فوٹو: فائل
رضوان بنگش پیراشوٹ کے ذریعے گورنر شاہ فرمان اور ان کے حواریوں کی تجوریاں بھر کر میئر بننے کا خواب دیکھ رہا تھا: ارباب محمد علی۔ فوٹو: فائل

خیبر پختونخوا کے بلدیاتی انتخابات میں میئر پشاور کی نشست ہارنے پر پاکستان تحریک انصاف کے رہنماؤں کے درمیان اختلافات بڑھتے جا رہے ہیں۔

وزیراعظم کے معاون خصوصی ارباب شہزاد کے بھتیجے ارباب محمد علی نے گورنر کے پی شاہ فرمان کے احتساب کا مطالبہ کر دیا ہے۔

ارباب محمد علی نے کہا کہ وزیراعظم سے اپیل ہے کہ گورنر خیبر پختونخوا شاہ فرمان کا احتساب کیا جائے، شاہ فرمان کی ذاتی انا اور مفاد کے باعث پارٹی پہلے بھی صوبائی اسمبلی کی دو نشستیں ہار چکی ہے۔

ان کا کہنا تھا کہ میئر کے لیے پی ٹی آئی کا امیدوار رضوان بنگش امپورٹڈ تھا، رضوان بنگش پیراشوٹ کے ذریعے گورنر شاہ فرمان اور ان کے حواریوں کی تجوریاں بھر کر میئر بننے کا خواب دیکھ رہا تھا۔

ارباب محمد علی نے کہا کہ لوگوں نے میئر کی نشست کے لیے امپورٹڈ امیدوار کو مسترد کر دیا۔

یاد رہے کہ ارباب محمد علی نے پشاور میئر نشست کی ٹکٹ کے لیے پی ٹی آئی کو درخواست بھی دی تھی۔

ارباب محمد علی 2013 ٹاؤن تھری کے سابق ناظم رہ چکے ہیں اور ان کے بھائی ارباب شیر علی پی ٹی آئی کے رکن قومی اسمبلی ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM