دلیپ کمار پر بننے والی فلم میں مرکزی کردار کیلئےکس اداکارکو پیشکش کی گئی؟

برصغیرکے عظیم اداکار دلیپ کمار(یوسف خان) رواں سال 7 جولائی کو انتقال کرگئے تھے جس سے فلمی دنیا ایک  بڑے اداکار سے محروم ہوگئی۔

اب  بالی وڈ سے خبریں سامنے آرہی ہیں کہ معروف ہدایت کار اور فلمساز  سبھاش گئی دلیپ کمار پر ایک فلم (بایوپِک) بنانا چاہ رہے ہیں۔

خیال رہےکہ سبھاش گئی جوکہ خود دلیپ کمار کے بہت بڑے مداح ہیں انہوں نے دلیپ کمارکی تین سپر ہٹ فلموں سوداگر، ودھاتا اور کرما میں ساتھ کام بھی کیا ہے۔

بھارتی میڈیا کے مطابق اس حوالے سے باضابطہ طور پر تصدیق نہیں ہوسکی ہے تاہم افواہیں ہیں کہ سبھاش گئی فلم میں دلیپ کمارکےکردارکےلیے ایک اور لیجنڈ اداکار امیتابھ بچن کے نام پر غورکررہے ہیں۔

رپورٹ کے مطابق فلم میں کام کے لیے امیتابھ بچن کو پیشکش بھی کردی گئی ہے، دونوں اداکار فلم سوداگر میں ایک ساتھ کام کرچکے ہیں اور دونوں کے درمیان گہری دوستی بھی رہی ہے۔ 

برصغیر کے عظیم اداکار دلیپ کمار انتقال کرگئے

98 سالہ دلیپ کمار کو گزشتہ دنوں سانس لینے میں دشواری کی وجہ سے ممبئی کے نجی اسپتال منتقل کیا گیا تھا

دلیپ کمار کی وہ محبت جن سے وہ شادی نہ کرسکے

برصغیر کے لیجنڈ اداکار دلیپ کمار نے اداکارہ سائرہ بانو سے 1967 میں شادی کی۔