29 دسمبر ، 2021 
خاتون نے پرواز کے دوران ماسک نہ پہننے پر 80 سالہ شخص کو تھپڑ ماردیا
29 دسمبر ، 2021
امریکا میں ایک خاتون نے دوران پرواز ماسک نہ پہننےپر 80 سالہ مسافر کو تھپڑ ماردیا۔
رپورٹس کے مطابق امریکی ریاست فلوریڈا کے شہر ٹیمپا سے اٹلانٹا جانے والی نجی ائیر لائن کی پرواز میں خاتون مسافر نے 80 سالہ بزرگ کو کھانا کھانے کے دوران ماسک نہ پہننے پر ان سے بد تمیزی کرتے ہوئے تھپڑ رسید کردیا۔
ٹوئٹر پر اس پرواز میں پیش آئے واقعے کی ویڈیو شیئر کی گئی جس کے بعد امریکی تحقیقاتی ادارے ایف بی آئی نے خاتون کو گرفتار کرلیا۔
ویڈیو میں دیکھا جاسکتا ہے کہ خاتون کھڑے ہوکر بزرگ مسافر پر چِلارہی ہیں کہ اپنا ماسک پہنو جبکہ پرواز میں موجود عملہ خاتون سے بیٹھنے کی درخواست کررہا ہے، تاہم ویڈیو میں خاتون بھی چہرے پر ماسک لگائے نہیں دیکھی گئیں۔
رپورٹس کے مطابق پرواز میں موجود دیگر مسافروں کاکہنا ہے کہ خاتون نے بزرگ مسافر پر تھوکا بھی تھا۔
دوسری جانب واقعے کی ویڈیو منظرِ عام پر آنےکے بعد ٹوئٹر صارفین کے درمیان بھی بحث شروع ہوگئی کہ جہاز میں کھانا کھانے کی اجازت نہیں ہونی چاہیے جبکہ کچھ کا کہنا تھا کہ کسی بزرگ کو تکلیف پہنچانا غلط بات ہے ۔
اس کے علاوہ کچھ صارفین کا مؤقف تھا کہ خاتون نے بھی بزرگ مسافر سے بحث کے دوران ماسک نہیں پہننا ہوا تھا۔
مزید خبریں :
کینیڈا: زو کیپر کی غفلت سے 2 سالہ گوریلا ہلاک
4 گھنٹے پہلے
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
مکہ مکرمہ، طائف اور دیگر سعودی شہروں میں موسلا دھار بارش
25 نومبر ، 2024
