30 دسمبر ، 2021
بھارت سے تعلق رکھنے والی خاتون میک اپ آرٹسٹ نے بالی وڈکے کنگ خان کا روپ دھار کر سب کو حیران کردیا۔
بھارتی دارالحکومت دہلی کی رہنے والی میک اپ آرٹسٹ دکشیتا نےانسٹا گرام پر ایک ویڈیو شیئر کی جس میں وہ میک اپ کے ذریعے شاہ رخ خان بن گئیں۔
سوشل میڈیا پر دکشیتا کو شاہ رخ خان کے روپ میں دیکھ صارفین بھی حیران رہ گئے اور ان کے فن کی تعریف کی۔
واضح رہے کہ یہ پہلی بار نہیں کہ دکشیتا نے بالی وڈ اسٹار کا روپ دھارا ہو اس سے قبل وہ میک اپ کے ذریعے کئی شوبز شخصیات کی طرح بن چکی ہیں۔
اس کے علاوہ بھارتی میک اپ آرٹسٹ اداکار نواز الدین صدیقی کا روپ بھی دھار چکی ہیں۔