31 دسمبر ، 2021 
ضمنی مالیاتی بل پر بحث نہ ہوسکی، قومی اسمبلی کا اجلاس غیر معینہ مدت کیلئے ملتوی
31 دسمبر ، 2021
قومی اسمبلی کا اجلاس غیر معینہ مدت کیلئے ملتوی کردیا گیا، اپوزیشن کی جانب سے کورم کی نشاندہی پر ڈپٹی اسپیکر قاسم سوری نے اجلاس ملتوی کیا،اجلاس میں ضمنی مالیاتی بل 2021 پر بحث ہونا تھی۔
قومی اسمبلی اجلاس میں اپوزیشن نے احتجاج و شور شرابہ کیا، کورم کورم کے نعرے لگائے جس کی وجہ سے اجلاس کی کارروائی نہ چل سکی۔
وقفہ سوالات کے آغاز میں ہی قومی اسمبلی کا اجلاس ملتوی کر دیا گیا۔ ڈپٹی اسپیکر قاسم سوری کی زیرصدارت قومی اسمبلی کے اجلاس میں رکن قومی اسمبلی عندلیب عباس کی والدہ کی وفات پر فاتحہ خوانی کی گئی۔
وقفہ سوالات کے آغاز میں ہی اپوزیشن ارکان نے احتجاج، شور شرابہ اور کورم کورم کے نعرے لگانا شروع کر دیے جس پر ڈپٹی اسپیکر نے کہا کہ وقفہ سوالات کے بعد ارکان کو بات کرنے کی اجازت دوں گا۔
کورم کورم کے نعروں کے باعث قومی اسمبلی کا اجلاس غیر معینہ مدت کے لیے ملتوی کردیا گیا۔
مزید خبریں :
جسٹس ریٹائرڈ اعجاز الحسن انتقال کرگئے
3 گھنٹے پہلے
کراچی میں خلع کیسز دائر کرنے کی تعداد دگنا ہوگئی
7 گھنٹے پہلے
