01 جنوری ، 2022 
منی بجٹ کے بعد موبائل فونز کتنے مہنگے ہوجائیں گے؟
01 جنوری ، 2022
منی بجٹ (فنانس ترمیمی بل 2021) کی منظوری کے بعد موبائل فون مزید مہنگے ہوجائیں گے۔
فنانس ترمیمی بل میں مہنگے موبائل پر رعایتی فکسڈ ٹیکس ختم کرکے 17 فیصد سیلز ٹیکس عائد کیا گیا ہے۔
دستاویز کے مطابق صرف 30 سے 200 ڈالرز مالیت کے موبائل پر ٹیکس میں کوئی تبدیلی نہیں کی گئی۔
دستاویز میں بتایا گیا ہے کہ اب 200 سے 350 ڈالرز کے موبائل پر 17 فیصد سیلز ٹیکس ہوگا، اس سے قبل 200 سے 350 ڈالرز مالیت کے موبائل پر 1750 روپے ٹیکس تھا۔
دستاویز کے مطابق اب 351 سے 500 ڈالرز مالیت کے موبائل فون پر 17 فیصد سیلز ٹیکس عائد ہوگا اور پہلے 351 سے 500 ڈالرز مالیت کے موبائل پر 5400 روپے فکسڈ ٹیکس تھا۔
دستاویز میں کہا گیا ہے کہ اب 501 ڈالر یا زائد مالیت کے موبائل پر 17 فیصد سیلز ٹیکس عائد کرنے کی تجویز دی گئی ہے جبکہ پہلے 501 ڈالر یا زائد مالیت کے موبائل پر 9270 روپے ٹیکس تھا۔
دستاویز کے مطابق اب 1300 ڈالر کے موبائل پر 9270 کی بجائے 42000 روپے ٹیکس ہوگا۔
خیال رہے کہ گزشتہ دنوں قومی اسمبلی میں حکومت نے منی بجٹ پیش کیا تھا جس میں کئی سو ارب کے ٹیکس لگائے گئے ہیں۔
مزید خبریں :
روپے کے مقابلے ڈالر کی قدر میں کمی
8 گھنٹے پہلے
پاکستان اسٹاک ایکسچینج کے 100 انڈیکس میں مزید کمی
8 گھنٹے پہلے
ملک میں سونےکی قیمت میں اضافہ ہوگیا
9 گھنٹے پہلے
11 مہینوں میں بیرونی سرمایہ کاری کتنی بڑھی؟ اعداد و شمار جاری
26 دسمبر ، 2024
پاکستان میں مقامی سطح پر موبائل مینوفیکچرنگ میں کمی
25 دسمبر ، 2024
گیس کی پیداوار میں کمی، 4 ماہ میں 53 ارب روپے کا نقصان
25 دسمبر ، 2024
انٹربینک میں ڈالر سستا ہوگیا
24 دسمبر ، 2024
