04 جنوری ، 2022 
ورلڈ کپ: بھارت کو ہرانے، سیمی فائنل تک پہنچنے پر کھلاڑیوں کو مالامال کرنے کا منصوبہ
04 جنوری ، 2022
سال 2021 میں پاکستان کرکٹ ٹیم کے تسلسل کے ساتھ پرفارم کرنے ، ورلڈ کپ میں پہلی مرتبہ بھارت کو ہرانے اور ٹی ٹوئنٹی ورلڈ کپ کے سیمی فائنل تک کوالیفائی کرنے پر کھلاڑیوں کو مالا مال کرنے کا پلان تیار کیا جا رہا ہے۔
ذرائع کا کہنا ہے کہ سال 2021 میں پاکستان کرکٹ ٹیم کی کارکردگی شاندار رہی ہے۔انفرادی طور پر بھی پلیئرز نے عمدہ کھیل پیش کیا۔
ورلڈ کپ میں پاکستان ٹیم نے پہلی مرتبہ بھارت کو شکست سے دوچار کیا اور ٹی ٹوئنٹی ورلڈ کپ کے سیمی فائنل کے لیے کوالیفائی کیا۔ ذرائع کا کہنا ہے کہ کھلاڑیوں کو کیش انعامات دینے کا اعلان جلد کیے جانے کا امکان ہے۔
چیئرمین پی سی بی رمیز راجہ نے ورلڈ کپ سے پہلے بھارت کو ہرانے پر ایک بزنس مین کی جانب سے بلینک چیک دینے کی پیشکش کا انکشاف کیا تھا لیکن بھارت کو شکست دینے کے بعد اس بلینک چیک کا معاملہ سامنے نہیں آ سکا۔
اب چیئرمین رمیز راجا کی خصوصی دلچسپی پر کھلاڑیوں کو انعامات دینے کا فیصلہ کیا گیا ہے ۔
مزید خبریں :
کراچی پریمیئر لیگ ملیر ڈولفنز نے جیت لی
48 منٹ پہلے
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
