05 جنوری ، 2022 
پاکستان
کراچی: گزشتہ 24 گھنٹوں میں سب سے زیادہ بارش کہاں ہوئی؟
05 جنوری ، 2022
محکمہ موسمیات نے گزشتہ 24 گھنٹوں میں کراچی میں ہونے والی بارش کے اعداد و شمار جاری کردیے۔
محکمہ موسمیات کے مطابق شہر میں سب سے زیادہ بارش سرجانی ٹاؤن میں 35.7 اور گلشن حدید میں 32 ملی میٹر ریکارڈ کی گئی۔
اس کے علاوہ قائد آباد میں 28، ناظم آباد 23، پی اے ایف بیس فیصل22، نارتھ کراچی 22 اور سعدی ٹاؤن میں 22.1 ملی میٹربارش ریکارڈ کی گئی۔
محکمہ موسمیات کے مطابق اولڈ ائیرپورٹ پر20.7، جناح ٹرمینل 20.4، مسرور بیس 20، گلشن معمار 20.1،کیماڑی 16.5 اور اورنگی میں 14.8 ملی میٹر بارش ریکارڈ کی گئی۔
