06 جنوری ، 2022 
رضوان اور افتخار کی سادگی نے لوگوں کو اپنا گرویدہ بنالیا
06 جنوری ، 2022
قومی کرکٹ ٹیم کے ٹاپ آرڈر بلے باز افتخار احمد اور محمد رضوان کی بیٹنگ کے تو سب دیوانے ہیں لیکن اب ان کی سادگی نے بھی لوگوں کو گرویدہ بنالیا ہے۔
آل راؤنڈر افتخار احمد نے وکٹ کیپر بیٹر محمد رضوان کے ہمراہ ایک تصویر شیئر کی جو سوشل میڈیا پر مقبول ہورہی ہے۔
جارحانہ بلے باز افتخار احمد نے ٹوئٹر پر تصویر پوسٹ کرتے ہوئے بتایا کہ یہ پشاور میں لی گئی تصویر ہے، اس تصویر سے ظاہر ہورہا ہے کہ دونوں کرکٹر کسی ڈھابے پر بیٹھے چائے سے لطف اندوز ہورہے ہیں۔
دونوں کرکٹرز کی تصویر پر مداحوں نے خوب تبصرے کیے، کسی نے ان کی سادگی کو سراہا تو کوئی رضوان کے چائے کے کپ کو موبائل سے ڈھکے دیکھ کر متاثر ہوا۔
ایک صارف نے لکھا کہ عالمی شہرت یافتہ اسٹارز ہونے کے باوجود ان میں بغیر کسی دکھاوے کے سادگی اور عاجزی ہے۔
ایک اور صارف نے مداحوں کی توجہ رضوان کے موبائل پر دلوائی اور کہا کہ رضوان اپنی چائے ٹھنڈی ہونے سے بچا رہے ہیں۔
ایک صارف نے تجسس ظاہر کرتے ہوئے پوچھا کہ بتائیں چائے کے پیسے کس نے ادا کیے اور پیسے دینے کے لیے ہاتھ جیب تک لے جانے والا کھلاڑی کون تھا۔
مزید خبریں :
ویرات کوہلی نے سنچریوں کی سنچری بناکر اہم سنگ میل عبور کر لیا
24 نومبر ، 2024
