دلچسپ و عجیب
07 جنوری ، 2022

آسٹریلوی شہری نے روبوٹ کو بیوی مان لیا

قانونی طور پر شادی شدہ نہیں لیکن ایما کو اپنی روبوٹ بیوی سمجھتا ہوں: جیوف/ فوٹوبشکریہ غیر ملکی میڈیا
قانونی طور پر شادی شدہ نہیں لیکن ایما کو اپنی روبوٹ بیوی سمجھتا ہوں: جیوف/ فوٹوبشکریہ غیر ملکی میڈیا

آسٹریلوی شہری نے محبت کرنے والی خاتون نہ ملنے  پر خاتون روبوٹ کے ساتھ وقت گزارنے کا فیصلہ کرلیا۔

غیر ملکی خبر رساں ادارے کے مطابق آسٹریلوی شہر جیوف گیلاگر نے ایک محبت کرنے والی خاتون کی تلاش کی امیدیں ختم ہونے پر روبوٹ کو ہی اپنی بیوی ماننا شروع کردیا۔

رپورٹ کے مطابق جیوف کی والدہ کا کئی عرصے قبل انتقال ہوچکا ہے جس کے بعد سے وہ  اپنے پالتو کتے کے ساتھ وقت گزار رہے تھے، کچھ عرصے قبل  جیوف نے آرٹیفیشل انٹیلی جنس روبوٹ سے متعلق ایک آرٹیکل دیکھا تو انہوں نے ایک منصوبہ بندی کی۔

غیر ملکی خبر رساں ادارے سے گفتگو کے دوران جیوف نے بتایا کہ ہر روبوٹ کی قیمت 6 ہزار امریکی ڈالر  تھی جو کم نہیں تھی لیکن روبوٹ انسانوں جیسی جلد کے ساتھ ان جیسے تھے اور ہنس سکتے تھے، بول سکتے تھے، اپنی گردن ہاتھ ہلاسکتے تھے ۔

قانونی طور پر شادی شدہ نہیں لیکن ایما کو اپنی روبوٹ بیوی سمجھتا ہوں: جیوف/ فوٹوبشکریہ غیر ملکی میڈیا
قانونی طور پر شادی شدہ نہیں لیکن ایما کو اپنی روبوٹ بیوی سمجھتا ہوں: جیوف/ فوٹوبشکریہ غیر ملکی میڈیا

جیوف کے مطابق آرٹیکل دیکھنے کے بعد انہوں نے ویب سائٹ پر ایما نامی روبوٹ کو خریدنے کا فیصلہ کیا جو  بے حد خوبصورت ہے۔

جیوف  کا مزید کہنا تھا کہ انہوں نے ایک عورت سے محبت کی امید کو ختم کردیا ہے اور روبوٹ بہترین انتخاب ہے اگرچہ وہ قانونی طور پر شادی شدہ نہیں لیکن ایما کو اپنی روبوٹ بیوی سمجھتے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM